Biznesin İnkişafı üzrə Menecer (Mebel Materialları)

İş yeri: Bakı

İş rejimi: Tam iş günü

Mebel materialları istiqamətində biznesimizin inkişafını sürətləndirmək üçün komandamıza Biznesin İnkişafı üzrə Menecer axtarırıq.

Əsas vəzifə öhdəlikləri

• Mebel materialları üzrə yeni biznes imkanlarını müəyyənləşdirmək və satışların inkişafını təmin etmək;
• Potensial B2B müştəriləri araşdırmaq, yeni müştərilər cəlb etmək və mövcud müştərilərlə əməkdaşlığı genişləndirmək;
• Müştərilərlə görüşlər və kommersiya danışıqları aparmaq, qarşılıqlı faydalı əməkdaşlıq münasibətləri qurmaq;
• Mebel materialları bazarını, rəqibləri, qiymət tendensiyalarını və müştəri tələbatını izləmək;
• Satış nəticələrini, müştəri portfelini və məhsul qruplarının performansını təhlil etmək, inkişaf imkanlarını müəyyənləşdirmək;
• Məhsul çeşidinin və kommersiya təkliflərinin inkişafı üzrə əsaslandırılmış təkliflər hazırlamaq;
• Satışların artırılması üçün fəaliyyət planları hazırlamaq və müvafiq şöbələrlə koordinasiyalı şəkildə həyata keçirmək;
• Görülən işlər və əldə edilən nəticələr üzrə mütəmadi hesabatlar hazırlamaq.

Namizədə tələblər

• Ali təhsil (biznesin idarə edilməsi, iqtisadiyyat, marketinq və ya əlaqədar sahələr üzrə üstünlük);
• B2B satış və ya biznesin inkişafı sahəsində minimum 3 il iş təcrübəsi;
• Distribusiya, mebel materialları və ya tikinti materialları sektorunda təcrübə üstünlükdür;
• Güclü kommunikasiya, təqdimat və kommersiya danışıqları aparmaq bacarığı;
• Analitik düşünmə, satış məlumatlarını təhlil etmək və nəticələr əsasında praktik qərarlar təklif etmək bacarığı;
• MS Excel proqramında yaxşı səviyyədə işləmək, satış hesabatları və analitik cədvəllər hazırlamaq bacarığı;
• CRM sistemləri ilə işləmək təcrübəsi;
• Planlaşdırma, təşkilatçılıq və müstəqil işləmək bacarığı;
• Azərbaycan dilində sərbəst ünsiyyət, rus və ingilis dili biliyi üstünlükdür.

Bizim üçün vacib olan

• Bu vəzifədə uğurlu namizəd yalnız yeni müştərilər tapmaq və danışıqlar aparmaqla kifayətlənməməli, bazar imkanlarını düzgün qiymətləndirməyi, satış göstəricilərini təhlil etməyi və əldə etdiyi məlumatları konkret kommersiya nəticələrinə çevirməyi bacarmalıdır.
• Biz təşəbbüskar, nəticəyönümlü, sistemli düşünən və biznesin inkişafına real töhfə verə biləcək komanda üzvü axtarırıq.

Biz nə təklif edirik?

• Uzunmüddətli fəaliyyət təcrübəsi və güclü bazar mövqeyi olan şirkətdə çalışma imkanı;
• Geniş məhsul portfeli və mövcud müştəri bazası ilə işləmək;
• Yeni biznes istiqamətlərinin inkişafında fəal iştirak;
• Peşəkar inkişaf və karyera perspektivləri;
• Namizədin təcrübə və kompetensiyalarına uyğun rəqabətqabiliyyətli əməkhaqqı və nəticəyönümlü motivasiya sistemi.

Maraqlanan namizədlər CV-lərini “Business Development Manager – Furniture Materials” mövzusu ilə Arsenal Group-un HR komandasına Müraciət et düyməsində qeyd olunan elektron poçt vasitəsi ilə  göndərə bilərlər.