Baş mühasib (Balakən)

Təsvir

"AzərYem Sənaye MMC"-nin Balakən müəssisəsində maliyyə intizamını və mühasibat uçotunu idarə edəcək təcrübəli Baş Mühasib axtarırıq. Bu vəzifə 1C ERP sistemi üzərindən əməliyyatların dəqiqliklə icrasına, AR Vergi və Əmək qanunvericiliyinə tam uyğunluğun saxlanılmasına və şirkət rəhbərliyinə strateji maliyyə hesabatlarının təqdim olunmasına cavabdehdir.

Əsas Öhdəliklər

• Şirkətdə həyata keçirilən bütün əməliyyatların Azərbaycan Respublikasının mövcud Əmək, Vergi və digər qanunvericilik tələblərinə uyğun təşkil olunmasına nəzarət etmək;
• Mühasibatlıq sisteminin əməliyyat inzibatçılığı funksiyalarını həyata keçirmək, normativ-məlumat informasiyasını aparmaq;
• Şirkətin gəlir və xərcləri, debitor və kreditor borclarının tərkibi barədə məlumatların və maliyyə hesabatlarının hazırlanmasını təmin etmək;
• Şirkətin gündəlik əməliyyatları barədə rəhbərliyə mütəmadi məlumat və hesabatlar təqdim etmək;
• Kassa və bank əməliyyatları uçotunun müəyyən olunmuş qaydalara əsasən təşkili və icrasına nəzarət etmək;
• Həyata keçirilən əməliyyatların hüquqi və maliyyə düzgünlüyünü, əmlakın hərəkətinə və müəssisənin öhdəliklərinə tam nəzarəti təmin etmək;
• Ayın bağlanması ilə əlaqədar 1C ERP sistemində əməliyyatları yoxlamaq, düzgünlüyünü təmin etmək və dövrü bağlamaq;
• Zərurət olduğu hallarda vəzifənin icrası ilə bağlı hazırkı təlimatda əks olunmayan tapşırıqları həyata keçirmək, rəhbərlik tərəfindən həvalə olunan digər aidiyyəti işləri vaxtında və dəqiq icra etmək.

Namizədə dair Tələblər

• Təhsil: Maliyyə, İqtisadiyyat və ya Biznesin İdarə edilməsi üzrə ali təhsil (Bakalavr dərəcəsi mütləqdir, Magistr dərəcəsinin olması üstünlükdür);
• Təcrübə: Müvafiq sahədə minimum 3-5 il iş təcrübəsi;
• Peşəkar biliklər: Maliyyə hesabatlarının hazırlanması üzrə dərin biliklərə sahib olmaq;
• Texniki biliklər: MS Excel proqramında yüksək səviyyədə işləmək, maliyyə/mühasibatlıq proqramları və ERP sistemləri (xüsusilə 1C) ilə iş təcrübəsi;
• Şəxsi keyfiyyətlər: Yüksək analitik düşüncə, diqqətcillik, qiymətləndirmə bacarığı, əla ünsiyyət, planlaşdırma və təşkilatçılıq qabiliyyəti.

Vakansiya növü - Tam ştat

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.