Ofis Meneceri

Grinco MMC ofis proseslərini sistemli idarə edə bilən, yüksək ünsiyyət və təşkilatçılıq bacarıqlarına malik xanım namizədləri komandaya dəvət edir.

Bu vəzifədə əsas gözləntimiz gündəlik inzibati işlərin dəqiq icrası, tapşırıqların izlənməsi və ofisin fasiləsiz fəaliyyətinin təmin edilməsidir.

Əsas vəzifə və məsuliyyətlər

• Ofisin gündəlik fəaliyyətini planlaşdırmaq, inzibati ehtiyacları vaxtında müəyyənləşdirmək və həllini koordinasiya etmək;
• Daxil olan zəngləri, elektron məktubları və müraciətləri operativ yönləndirmək, cavablandırılmasını izləmək;
• Rəsmi məktubları, arayışları və digər inzibati sənədləri peşəkar üslubda hazırlamaq;
• Sənəd dövriyyəsini, elektron və fiziki arxivi sistemli aparmaq;
• Görüşləri təşkil etmək, görüş qeydlərini və razılaşdırılmış tapşırıqları aidiyyəti əməkdaşlara çatdırmaq;
• Tapşırıqların icra müddətlərini izləmək, gecikmə risklərini əvvəlcədən bildirmək;
• Ofis ləvazimatları və inzibati xidmətlər üzrə ehtiyacları, sifarişləri və xərclərin uçotunu izləmək;
• Rəhbərliyə görülmüş işlər və açıq məsələlər barədə qısa, strukturlaşdırılmış hesabat təqdim etmək;
• Məxfi məlumatlarla işləyərkən dəqiqliyi və konfidensiallığı qorumaq.

Namizədə tələblər

• Ali təhsil;
• Ofis idarəçiliyi, inzibati koordinasiya və ya rəhbər köməkçisi vəzifəsində minimum 2 il iş təcrübəsi;
• Azərbaycan dilində yüksək səviyyədə yazılı və şifahi ünsiyyət, rəsmi yazışma bacarığı;
• Rus dili biliyi üstünlükdür;
• MS Excel, Word və Outlook proqramlarından sərbəst istifadə;
• Excel-də cədvəllər, filtrlər və əsas formullarla işləmək, məlumatları yoxlamaq və hesabat hazırlamaq bacarığı;
• Elektron təqvim, onlayn görüş və tapşırıq izləmə alətləri ilə işləmək bacarığı;
• Eyni vaxtda bir neçə işi idarə etmək, prioritetləri düzgün müəyyənləşdirmək və son tarixlərə riayət etmək;
• Problemləri vaxtında görmək, həll variantları təklif etmək və verilmiş səlahiyyət daxilində müstəqil işləmək;
• İşgüzar etika, detallara diqqət və nəticəyə görə məsuliyyət.

İş şəraiti

• Əməkhaqqı: 600 AZN;
• İş qrafiki: həftədə 5 gün, 08:30–17:30;
• İş yeri: Bakı şəhəri, Xətai rayonu, Rövşən Əliyev küçəsi 1, Nobel Hotel yaxınlığı.

CV-nizi mövzu hissəsində “Ofis meneceri” qeyd etməklə Müraciət et düyməsində qeyd olunan elektron poçt ünvanına göndərin.