Forklift (Avtoyükləyici) sürücüsü

Vakansiya haqqında: 

• Carlsberg Azerbaijan komandasına qoşulmaq üçün məsuliyyətli və peşəkar Forklift (Avtoyükləyici) Sürücüsü axtarırıq. 

İş şərtləri:

• İş yeri: Xırdalan, Carlsberg Azerbaijan zavodu
• Şöbə: Anbar və daxili logistika
• İş qrafiki: Növbəli

Əsas vəzifə öhdəlikləri:

• Forklift vasitəsilə məhsul, xammal və materialların daşınmasını, nəqliyyat vasitələrinə yüklənməsini və boşaldılmasını həyata keçirmək.
• Yükləri müəyyən edilmiş qaydalara uyğun olaraq rəflərə yerləşdirmək və istifləmək.
• Məhsul və materialların qəbulu və təhvili zamanı miqdarını, çeşidini, keyfiyyətini və qablaşdırmanın bütövlüyünü yoxlamaq, uyğunsuzluqlar barədə məlumat vermək.
• Sifarişləri sənədlərə uyğun komplektləşdirmək, anbar əməliyyatlarını WMS sistemində vaxtında və düzgün qeydə almaq.
• İstehsal xətlərinin materiallarla təmin edilməsində və inventar sayımlarında iştirak etmək.
• Növbə başlamazdan əvvəl forkliftin texniki vəziyyətini yoxlamaq, müvafiq yoxlama qeydlərini aparmaq və nasazlıqlar barədə dərhal məlumat vermək.
• Sürət həddinə, əməyin mühafizəsi və yanğın təhlükəsizliyi qaydalarına riayət etmək, fərdi qoruyucu vasitələrdən istifadə etmək.

Namizədlərə dair tələblər: 

• Orta və ya orta ixtisas təhsili;
• Forklift (Avtoyükləyici) idarə etmək üçün müvafiq sürücülük vəsiqəsi və sertifikat;
• Oxşar vəzifədə ən azı 1 il iş təcrübəsi;
• Təhlükəsizlik qaydalarına yüksək diqqət;
• Anbar prosesləri — malların qəbulu, yerləşdirilməsi və göndərilməsi üzrə biliklər;
• Rus dili biliyi üstünlükdür;
• Növbəli iş qrafikində işləməyə hazırlıq;
• Diqqətlilik, məsuliyyət və intizam.
• WMS sistemi, terminal və skanerlərlə iş təcrübəsi üstünlükdür

Əlavə şərtlər:

• Nahar təminatı
• 4 istiqamət üzrə transfer (səhər və axşam)

Əlaqə:  

Yuxarıda göstərilən tələblərə cavab verirsinizsə və bu maraqlı, eyni zamanda məsuliyyətli vakansiyaya müraciət etmək istəyirsinizsə, zəhmət olmasa CV-nizi link vasitəsilə göndərin:

• https://www.carlsbergazerbaijan.az/en/work-with-us/join-our-team/career-form/ 
• https://www.carlsbergazerbaijan.az/az/bizimla-calis/komandamiza-qosul/career-form/ 

Yalnız vakansiya tələblərə cavab verən namizədlər müsahibəyə dəvət olunacaq.