Korporativ müştərilərə xidmət üzrə mütəxəssis

PEAKPİN MMC — PeakPin mobil tətbiqinin sahibidir. PeakPin yaxınlıqdakı insanları, məkanları, kampaniyaları və tədbirləri xəritədə göstərən geolokasiya platformasıdır. Restoran, kafe, gözəllik salonu, klinika, otel və digər bizneslər PeakPin-də öz profilini yaradır və yaxınlıqdakı müştərilərə kampaniya və tədbirlərini göstərir. Yeni yaradılan Korporativ müştərilərə xidmət şöbəmizə Bakıda və bölgələrdə tərəfdaş məkanlarımızla işləyəcək mütəxəssislər axtarırıq.

Qeyd - Bakı şəhəri üzrə yalnız xanım namizədlərin CV-lərinə baxılır.

Vəzifə öhdəlikləri:

• Təhkim olunduğunuz zonada yeni qoşulan məkanlarla 24 saat ərzində əlaqə saxlamaq;
• Məkan profilinin (foto, iş saatları, xəritədə yer, kateqoriya) düzgün tamamlanmasına kömək etmək;
• Məkan sahiblərinə tətbiqin imkanlarını (kampaniyalar, tədbirlər, PinBox, növbə, statistika) izah etmək və ilk kampaniyanı birlikdə qurmaq;
• Başlanğıc pulsuz dövr bitməzdən əvvəl məkan sahibi ilə nəticələri müzakirə etmək və abunəyə keçidə dəstək olmaq;
• Tərəfdaşlarla müntəzəm əlaqə saxlamaq, onların məmnuniyyətini və abunənin yenilənməsini izləmək;
• Lazım olduqda məkanlara səfər etmək (təqdimat, quraşdırmaya kömək);
• Bütün əlaqə və görüşləri daxili portalda qeyd etmək.

Tələblər:

• Azərbaycan dilində səlis və inandırıcı nitq, rus dili üstünlükdür;
• Biznes sahibləri ilə peşəkar və hörmətli ünsiyyət qura bilmək;
• Müştəri xidmətləri, korporativ müştərilərlə iş və ya hesab idarəçiliyi sahəsində təcrübə üstünlükdür;
• Mobil tətbiqlərdən və sosial şəbəkələrdən sərbəst istifadə, kompüter bilikləri;
• Nəticəyə yönəlik, məsuliyyətli və nizam-intizamlı olmaq;
• Bölgə vakansiyaları üçün: həmin bölgədə yaşamaq və bölgəni yaxşı tanımaq; sürücülük vəsiqəsi üstünlükdür.

Təminatlar və iş şəraiti:

• Rəsmi əmək müqaviləsi və sosial sığorta;
• Əməkhaqqı: 700 AZN (başlanğıc) + abunəyə keçən və qalan hər tərəfdaş məkana görə aylıq bonus;
• Yeni şöbədə ilk komanda olmaq — rəhbər vəzifələrə yüksəlmək üçün real imkan;
• İş qrafiki: həftədə 40 saat — bazar ertəsi–cümə 09:00–17:00 (nahar 13:00–14:00), şənbə 10:00–15:00, bazar günü istirahət.

İş yeri:

• Bakı (10 vakansiya): Bakı ş., Ofis , hər əməkdaşa bir zona;
• Bölgələr (15 vakansiya): Sumqayıt, Şamaxı, Qəbələ, İsmayıllı, Quba, Qusar, Xaçmaz, Şəki, Qax, Zaqatala, Gəncə–Göygöl, Masallı, Lənkəran, Astara, Lerik — əməkdaş öz bölgəsində işləyir, ofisə gəlmək tələb olunmur.

Maraqlanan namizədlər “Müraciət et” düyməsinə klikləyərək şirkətin əlaqə məlumatlarını əldə edə, CV-lərini göstərilən elektron poçt ünvanına göndərə və ya qeyd olunan telefon nömrəsi vasitəsilə şirkətlə əlaqə saxlaya bilərlər.