Aparıcı Mühasib

İş şəraiti

• İş Rejimi:  Bazar ertəsi – Cümə
• Əməkhaqqı: Net 2000 AZN

Namizədə Dair Tələblər:

• Təhsil: Maliyyə, Mühasibat uçotu, İqtisadiyyat və ya Biznesin idarə edilməsi sahəsində ali təhsil.
• İş Təcrübəsi: Müvafiq sahədə (istehsalat, tikinti, ticarət və ya xidmət sektorunda) minimum 3–5 il iş təcrübəsi (Aparıcı mühasib və ya Baş mühasib müavini qismində təcrübəsi olanlara üstünlük verilir).

Mütləq Biliklər (Hard Skills):

• Azərbaycan Respublikasının Vergi Məcəlləsini, Əmək Məcəlləsini və Mühasibat Uçotu Standartlarını (və ya İFRS əsaslarını) yüksək səviyyədə bilmək.
• 1C (8.3 və ya müvafiq versiyalar) proqramında sərbəst işləmək bacarığı.
• MS Excel proqramını qabaqcıl səviyyədə bilmək (mürəkkəb düsturlar, pivot cədvəllər, hesabat cədvəlləri).

Arzuolunan Biliklər:

• ACCA F3  və ya PMS sertifikatının olması böyük üstünlükdür.

Dil Bilikləri:

• Azərbaycan dili: Sərbəst / Əsas (işgüzar yazışma və şifahi).
• İngilis və Rus dilləri: Arzuolunandır.

Yumşaq Bacarıqlar (Soft Skills):

• Analitik düşüncə tərzi, diqqətcillik və detaylara yüksək həssaslıq.
• Yüksək məsuliyyət hissəsi və komandada effektiv işləmək bacarığı.
• Gərgin iş rejimində operativ və düzgün qərar qəbuletmə qabiliyyəti.

Əsas Vəzifə Öhdəlikləri:

• İlkin mühasibat sənədlərinin (elektron qaimə-fakturalar, təhvil-təslim aktları, müqavilələr, bank və kassa sənədləri) qanunvericiliyə uyğunluğunu yoxlamaq və 1C proqramına dəqiq daxil etmək.
• Əsas vəsaitlərin, azqiymətli əşyaların və mal-material qiymətlilərinin (MMQ) daxilolması, silinməsi, yenidən qiymətləndirilməsi və amortizasiyası uçotunu aparmaq.
• Vergi, DSMF İşsizlikdən Sığorta və Statistika hesabatlarını qanunvericiliklə müəyyən edilmiş müddətdə hazırlamaq və müvafiq dövlət orqanlarına təqdim etmək.
• E-qaimələrin tərtib edilməsi, təsdiqi, ƏDV hesabatlarının hazırlanması və digər vergi öhdəliklərinin vaxtında icrasına nəzarət etmək.
• Mənfəət vergisi, ödəniş mənbəyində tutulan vergi və əmlak/torpaq vergilərinin hesablanmasını və bəyan edilməsini təmin etmək.
• Təchizatçılar, müştərilər, subpodratçılar və digər kontragentlərlə üzləşmə aktlarını mütəmadi tərtib etmək və debitor/kreditor borclarını izləmək.
• Debitor borclarının yaşlandırılması (Aging Report) hesabatlarını hazırlamaq və vaxtı keçmiş alacaqların izlənməsini aparmaq.
• İnternet-Banking vasitəsilə ölkədaxili və xarici valyuta ödəniş tapşırıqlarını hazırlamaq, bank əməliyyatlarını icra etmək və bank hesablarının gündəlik qalıqlarına nəzarət etmək.
• Maliyyə və mühasibat sənədlərinin qanunvericiliyə və daxili qaydalara uyğun qaydada arxivləşdirilməsini və audit yoxlamaları üçün əlçatan olmasını təmin etmək.
• Şirkətin daxili maliyyə prosedurlarına, daxili nəzarət qaydalarına və tətbiq olunan mühasibat standartlarına riayət etmək.
• Birbaşa rəhbərin verdiyi digər maliyyə, vergi və mühasibatlıq tapşırıqlarını vaxtında yerinə yetirmək.

Maraqlanan namizədlərdən CV-lərini mövzu hissəsində "Aparıcı mühasib" qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur.