Ətraf Mühitin Mühafizəsi üzrə Mühəndis

Hazırda şirkətimizə Ətraf Mühitin Mühafizəsi üzrə Mühəndis tələb olunur.

İş yeri: Bakı şəhəri, Qaradağ rayonu, Ümid qəsəbəsi, Salyan şossesi, Səngərqaya-1 yolu, 7-ci km.

Tələblər: 

• Ekologiya, ətraf mühit mühəndisliyi və ya əlaqəli sahədə ali təhsil.
• Müvafiq sahədə ən azı 3 il iş təcrübəsi.
• Azərbaycanın ekoloji qanunvericiliyi və normativ tələbləri, həmçinin ISO 14001 standartı üzrə biliklər.
• Ekoloji monitorinq, icazələr və dövlət hesabatlılığı üzrə praktiki biliklər.
• Atmosfer emissiyaları, tullantılar, su və çirkab sularının idarə edilməsi, ekoloji risk və aspektlərin qiymətləndirilməsi üzrə biliklər.
• Sement istehsalının ekoloji aspektləri üzrə biliklərin olması üstünlükdür.
• İşgüzar səviyyədə ingilis dili biliyi və MS Office proqramlarında işləmək bacarığı.

Tələb olunan kompetensiyalar:

• Müştəriyönümlülük
• Əməyin mühafizəsi qaydalarından xəbərdar olma
• Bütövlük
• Yenilikçilik

​​​​​​​​​​​​​​​​​​​​​Əsas vəzifə və öhdəliklər:

• Ətraf mühitin mühafizəsi üzrə qanunvericilik və normativ tələblərin izlənilməsi, şirkətdə və törəmə müəssisələrdə uyğunluğun qiymətləndirilməsi.
• Ekoloji icazələrin alınması və yenilənməsinin koordinasiyası, dövlət orqanlarına ekoloji hesabatların təqdim edilməsi.
• Dövlət ekoloji yoxlamalarında iştirak, tələb olunan sənədlərin hazırlanması və yoxlama nəticələri üzrə tədbirlərin koordinasiyası.
• Atmosferə emissiyaların uçotu və monitorinqi, nəticələrin normativ tələblərə uyğunluğunun qiymətləndirilməsi.
• Emissiyaların və tozlanmanın azaldılması üzrə təkliflərin hazırlanması və icrasının izlənilməsi.
• Təhlükəli və təhlükəsiz tullantıların uçotuna, idarə edilməsinə və bu sahədə podratçıların fəaliyyətinə nəzarət.
• Tullantıların azaldılması, təkrar emalı və resurslardan səmərəli istifadə üzrə təkliflərin hazırlanması.
• Su istifadəsinin və çirkab suların idarə edilməsinin izlənilməsi, çirklənmənin qarşısının alınması üzrə tədbirlərin koordinasiyası.
• ISO 14001 üzrə Ətraf Mühitin İdarəetmə Sisteminin saxlanılması və təkmilləşdirilməsində iştirak, ekoloji aspekt və risklərin qiymətləndirilməsi.
• Törəmə müəssisələrdə Ətraf Mühitin İdarəetmə Sisteminin tətbiqinin koordinasiyası və məsul şəxslərə metodiki dəstək.
• Planlı və növbədənkənar ekoloji yoxlamaların aparılması, uyğunsuzluqlar üzrə düzəldici tədbirlərin izlənilməsi.
• Ekoloji insidentlərin araşdırılmasında, fövqəladə hallara hazırlıqda və təlimlərdə iştirak, işçilərin ekoloji məlumatlandırılmasına dəstək.
• Ekoloji məqsəd və hədəflərin müəyyən edilməsində, daxili və xarici auditlərə hazırlıqda iştirak.
• Yeni layihələrin və istehsalat dəyişikliklərinin ekoloji qiymətləndirilməsində, o cümlədən ƏMTQ proseslərində iştirak.
• Podratçıların və xidmət təminatçılarının fəaliyyətinin ekoloji tələblərə uyğunluğuna nəzarət.
• Ətraf mühit üzrə əsas performans göstəricilərinin toplanması və təhlili, rəhbərlik, dayanıqlı inkişaf və GHG/MRV hesabatları üçün məlumatların hazırlanması.

Biz nə təklif edirik:

• Könüllü tibbi sığorta
• Servis avtobusu
• Şəxsi və peşəkar inkişaf imkanları
• İşçi rifahını dəstəkləyən, inklüziv iş mədəniyyəti
• İşçi mükafatlandırma proqramları və timbildinq fəaliyyətləri
• Digər imtiyazlar

CV-ni müraciət etdiyiniz vəzifənin adını məktubun mövzu xanasında qeyd etməklə Müraciət et düyməsində qeyd olunan elektron poçt ünvanına göndərməyiniz xahiş olunur.