Dealer Sales Manager

İş yeri: Bakı, Azərbaycan

İş rejimi: Tam iş günü

Sahə: Təhlükəsizlik sistemləri, videomüşahidə və İT həlləri

Komandamızı genişləndirmək və diler şəbəkəmizin inkişafını sürətləndirmək məqsədilə nəticəyönümlü, təşəbbüskar və aktiv satış bacarıqlarına malik Dealer Sales Manager axtarırıq.

Vəzifə öhdəlikləri

• Azərbaycan bazarında yeni dilerlərin, resellerlərin, pərakəndə satış mağazalarının, CCTV ustalarının və sistem inteqratorlarının müəyyən edilməsi və əməkdaşlığa cəlb olunması;
• Potensial B2B müştərilərlə ilkin əlaqələrin qurulması, kommersiya təkliflərinin hazırlanması və əməkdaşlıq imkanlarının inkişaf etdirilməsi;
• Mövcud diler şəbəkəsi ilə davamlı işgüzar münasibətlərin saxlanılması və satış həcminin artırılması;
• Müştərilərə məhsul portfeli, qiymət siyasəti, xüsusi təkliflər və kampaniyalar haqqında məlumat verilməsi;
• Müştəri görüşlərinin, məhsul təqdimatlarının və kommersiya danışıqlarının təşkili və aparılması;
• Yeni müştərilərin ilk sifarişlərinin təmin edilməsi və uzunmüddətli əməkdaşlığın qurulması;
• Müştərilərin ehtiyaclarının təhlili və uyğun texnoloji həllərin təklif edilməsi;
• Rəqib şirkətlərin fəaliyyətinin, bazar qiymətlərinin və satış strategiyalarının monitorinqi;
• Satış planlarının icrası və müəyyən edilmiş KPI göstəricilərinə nail olunması;
• CRM sistemində müştəri bazasının, görüşlərin və satış fəaliyyətinin müntəzəm yenilənməsi;
• Satış nəticələri, yeni müştərilər və bazar fəaliyyəti üzrə rəhbərliyə müntəzəm hesabatların təqdim edilməsi.

Namizədə tələblər

• CCTV və təhlükəsizlik sistemlərinin satışı sahəsində minimum 2 il iş təcrübəsi;
• Yeni müştərilərin cəlb edilməsi və aktiv B2B satış üzrə praktiki təcrübə;
• Diler, reseller və distribütorluq satış modellərini anlamaq;
• Videomüşahidə avadanlıqları, təhlükəsizlik sistemləri və əlaqəli texnoloji məhsullar haqqında biliklər;
• Güclü ünsiyyət, təqdimat və kommersiya danışıqları aparmaq bacarığı;
• Müştəri bazası yaratmaq və uzunmüddətli işgüzar əlaqələr qurmaq bacarığı;
• Satış hədəflərinə fokuslanmaq və nəticəyönümlü işləmək bacarığı;
• CRM və MS Office proqramları ilə işləmək bacarığı;
• Azərbaycan dilində sərbəst danışıq və yazı bacarığı;
• Rus və ingilis dillərini bilmək üstünlükdür;
• Sürücülük vəsiqəsi və aktiv avtomobil idarəetmə təcrübəsi üstünlükdür.

İş şəraiti

• İş qrafiki: Həftədə 5 iş günü
• İş saatları: 09:00–18:00 və ya 10:00–19:00
• Əməkhaqqı: 700–1 000 AZN (namizədin bilik, bacarıq və iş təcrübəsindən asılı olaraq müəyyən edilir).

Biz nə təklif edirik?

• Texnologiya və təhlükəsizlik sektorunda inkişaf edən şirkətdə karyera imkanı;
• Rəqabətqabiliyyətli əməkhaqqı və satış nəticələrinə, KPI göstəricilərinə əsaslanan bonus sistemi;
• Beynəlxalq brend və geniş məhsul portfeli ilə işləmək imkanı;
• Peşəkar inkişaf və məhsullar üzrə mütəmadi təlimlər;
• Dinamik və peşəkar komanda mühiti;
• Karyera yüksəlişi və uzunmüddətli inkişaf perspektivi.

Bizim üçün vacib olan nədir?

• Biz sadəcə mövcud müştərilərlə işləyəcək satış əməkdaşı deyil, bazarı araşdıran, yeni müştərilər tapan, diler şəbəkəsi quran və real satış nəticələri əldə edən komanda üzvü axtarırıq.
• Əgər siz aktiv satışa, yeni biznes imkanlarının yaradılmasına və nəticə əldə etməyə fokuslanmış şəxssinizsə, komandamıza qoşulun!

Maraqlanan namizədlər CV-lərini mövzu hissəsində Dealer Sales Manager qeyd etməklə Müraciət et düyməsində qeyd olunan elektron poçt ünvanına göndərə bilərlər.