Xarici satınalmalar üzrə mütəxəssis

Vəzifə öhdəlikləri

• Şirkətin iştirak etdiyi tenderlər üzrə texniki tapşırıqların, spesifikasiyaların və tələblərin təhlili, tələb olunan məhsul və avadanlıqların dəqiq müəyyən edilməsi;
• Həmin məhsul və avadanlıqlar üzrə xarici bazarın, istehsalçıların və potensial təchizatçıların araşdırılması;
• Xarici təchizatçılara qiymət sorğularının göndərilməsi, kommersiya şərtlərinin müzakirəsi və daha əlverişli təkliflərin əldə olunması;
• Təklif olunan məhsulların tender tələblərinə və texniki spesifikasiyalara uyğunluğunun yoxlanılması;
• Texniki və kommersiya təkliflərinin müqayisəli təhlili və rəhbərliyə əsaslandırılmış seçimlərin təqdim edilməsi;
• Məhsulun tam maya dəyərinin hesablanması: alış qiyməti, logistika, gömrük, vergi və digər xərclər daxil olmaqla;
• Tender qiymət təklifinin hazırlanması üçün müvafiq komandaya təchizatçı qiymətlərinin, çatdırılma müddətlərinin və uyğunluq məlumatlarının təqdim edilməsi;
• Tenderdə qalib gəlindikdən sonra xarici təchizatçılarla sifariş, müqavilə və spesifikasiyaların hazırlanması və prosesin izlənilməsi;
• Daşıma sxeminin seçilməsi, yükün həcmi və çəkisi üzrə hesablamaların aparılması, logistika tərəfdaşları ilə koordinasiya;
• Gömrük rəsmiləşdirilməsi və daşınma üçün tələb olunan sənədlərin (invoice, packing list, CMR, mənşə sertifikatı və s.) yoxlanılması;
• Sifarişlərin istehsal, ödəniş, yüklənmə, çatdırılma və təhvil mərhələlərinin izlənilməsi;
• Təchizatçılar və tərəfdaşlarla davamlı işgüzar əlaqələrin saxlanılması;
• Satınalmalar üzrə məlumatların sistemləşdirilməsi, hesabatların hazırlanması və son icra tarixlərinə nəzarət.

Namizədə tələblər

• Xarici satınalma, idxal, təchizat və ya oxşar sahədə minimum 1 il iş təcrübəsi;
• Azərbaycan və rus dillərində sərbəst, ingilis dilində minimum intermediate səviyyədə yazılı və şifahi ünsiyyət bacarığı;
• Incoterms qaydaları, beynəlxalq logistika və idxal prosesləri haqqında biliklər;
• Texniki spesifikasiyaları, kataloqları və avadanlıqların texniki xüsusiyyətlərini anlama və müqayisə etmə bacarığı;
• Excel, Word və digər ofis proqramlarında yüksək səviyyədə işləmək bacarığı;
• Böyük həcmli məlumatlarla işləmək, qiymət və kommersiya göstəricilərini analiz etmək bacarığı;
• Yüksək diqqətlilik, məsuliyyət, danışıqlar aparmaq və sıx deadline şəraitində işləmək bacarığı.

İş şəraiti

• Ofis Babək Plaza-da, Xətai metrosunun yaxınlığında yerləşir;
• Nahar şirkət tərəfindən təmin edilir;
• Şirkət tərəfindən iş noutbuku, telefon və korporativ nömrə təmin olunur;
• İş rejimi: 5/2;
• İstirahət və bayram günləri istisna olmaqla həftəlik 40 iş saatı;
• İşə qəbul Azərbaycan Respublikasının Əmək Məcəlləsinə uyğun olaraq, əmək müqaviləsi əsasında rəsmiləşdirilir.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.

Yalnız vakansiyada qeyd olunan tələblərə uyğun olan namizədlər müsahibəyə dəvət olunacaq.