Baş mühasib

ADIS Azerbaijan komandası üçün maliyyə və mühasibatlıq proseslərinin idarə edilməsində təcrübəli Baş mühasib axtarır.

Vəzifə öhdəlikləri:

• Şirkətin mühasibat uçotunu qanunvericiliyə və daxili prosedurlara uyğun təşkil etmək;
• Alış, satış, qaytarma və anbar əməliyyatlarının uçotda düzgün əks olunmasına nəzarət etmək;
• Müştəri və təchizatçılarla hesablaşmaları, debitor və kreditor borcları izləmək, qarşılıqlı üzləşmələri təşkil etmək;
• Bank, kassa və kredit əməliyyatlarının uçotunu, pul vəsaitlərinin hərəkətinə nəzarəti həyata keçirmək;
• Vergi, sosial sığorta və statistika hesabatlarının düzgün hazırlanmasını və vaxtında təqdim edilməsini təmin etmək;
• Aylıq, rüblük və illik maliyyə hesabatlarını hazırlamaq, gəlir, xərc və mənfəət göstəricilərini təhlil edərək rəhbərliyə təqdim etmək;
• Əməkhaqqı və digər əməkdaş ödənişlərinin hesablanmasına nəzarət etmək;
• Mal-material ehtiyatlarının inventarizasiyasını təşkil etmək, anbar qalıqları ilə uçot məlumatları arasındakı fərqləri araşdırmaq;
• Mühasibatlıq komandasının iş bölgüsünü aparmaq, əməkdaşların fəaliyyətini koordinasiya etmək və peşəkar inkişafına dəstək vermək.

Namizədə tələblər:

• Mühasibatlıq, maliyyə, iqtisadiyyat və ya əlaqəli ixtisas üzrə ali təhsil;
• Mühasibatlıq sahəsində minimum 3 il, o cümlədən baş mühasib və ya mühasibatlıq komandasının idarə olunması üzrə iş təcrübəsi;
• Distribusiya və ya topdansatış sahəsində təcrübə üstünlükdür;
• Mal-material ehtiyatlarının, ticarət əməliyyatlarının və qarşılıqlı hesablaşmaların uçotu üzrə güclü praktiki biliklər;
• Vergi, əmək və mühasibat uçotu qanunvericiliyini bilmək və gündəlik işdə tətbiq etmək bacarığı;
• Vergi bəyannamələrinin və maliyyə hesabatlarının hazırlanması və təqdim edilməsi üzrə təcrübə;
• Maliyyə Hesabatlarının Beynəlxalq Standartları (MHBS/IFRS) üzrə biliklər;
• 1C və MS Office proqramlarında, xüsusilə Excel-də yüksək səviyyədə işləmək bacarığı;
• Elektron dövlət portalları və hesabat sistemlərindən sərbəst istifadə etmək bacarığı;
• ERP sistemlərinin maliyyə və mühasibatlıq modulları ilə iş təcrübəsi; Logix biliyi üstünlükdür;
• Analitik düşünmə, işin planlaşdırılması, komandanın idarə edilməsi və qərarvermə bacarıqları;
• Dəqiqlik, yüksək məsuliyyət, dürüstlük və məxfilik prinsiplərinə riayət etmək.

Peşəkar Mühasib Sertifikatının (PMS – MHBS) olması üstünlük hesab edilir.

İş şəraiti:

• İş qrafiki: 5 günlük iş həftəsi;
• Rəsmi əmək müqaviləsi;
• Əmək haqqı namizədin bilik və təcrübəsinə uyğun olaraq müsahibə əsasında razılaşdırılır;
• Şirkət tərəfindən nahar verilir;
• İş yeri: Ələsgər Qayıbov küçəsi 10Q, STN Biznes Mərkəzi 8-ci mərtəbə.

Maraqlanan namizədlər CV-lərini e-poçtun mövzu hissəsində “Baş mühasib” qeyd etməklə Müraciət et düyməsində qeyd olunan elektron poçt ünvanına göndərə bilərlər.

Yalnız vakansiyanın tələblərinə uyğun namizədlərlə əlaqə saxlanılacaq.