Proseslərin standartlaşdırılması üzrə aparıcı mütəxəssis (Xudat)

Tələblər:

• Qida məhsullarının mühəndisliyi, qida təhlükəsizliyi, standartlaşdırma və sertifikasiya, metrologiya və ya əlaqəli sahələr üzrə ali təhsil;
• Müvafiq sahə üzrə minimum 2 il iş təcrübəsi;
• ISO 9001, ISO 22000, ISO 14001, ISO 45001 və digər beynəlxalq standartlar üzrə biliklər;
• Keyfiyyət idarəetmə sistemləri və daxili audit prosesləri üzrə biliklər;
• Prosedurların, təlimatların və digər sistem sənədlərinin hazırlanması və idarə olunması bacarığı;
• MS Office proqramları üzrə yaxşı səviyyədə biliklər;
• Azərbaycan dilini əla, rus və ingilis dillərini orta səviyyədə bilmək;
• Analitik düşünmə, ünsiyyət, planlaşdırma və komanda ilə işləmək bacarıqları.

Vəzifə öhdəlikləri:

• Beynəlxalq standartların tələblərinə uyğun prosedurların, təlimatların, proseslərin və digər sistem sənədlərinin hazırlanmasını və yenilənməsini təmin etmək;
• Şirkətdə tətbiq olunan sənədlərin qeydiyyatının və dövriyyəsinin aparılmasına, habelə sənədlərin aktual versiyalarının istifadəsinə nəzarət etmək;
• İllik audit planına uyğun daxili auditlər keçirmək, nəticələri təhlil etmək və rəhbərliyə təqdim etmək;
• Auditlər və proseslərin fəaliyyəti zamanı aşkar edilmiş uyğunsuzluqların aradan qaldırılması üçün düzəldici və qabaqlayıcı tədbirləri təşkil etmək və izləmək;
• Keyfiyyət hədəfləri üzrə göstəriciləri təhlil etmək, nəticələrə dair hesabatlar hazırlamaq;
• Şirkətdə beynəlxalq standartların tətbiqini, idarəetmə sistemlərinin davamlı fəaliyyətini və təkmilləşdirilməsini təmin etmək;
• Sertifikatlaşdırma auditlərində iştirak etmək və standartların tələblərinə uyğunluğun qorunmasına dəstək göstərmək;
• İşçilər üçün standartlar, keyfiyyət idarəetmə sistemləri və prosedurların tətbiqi ilə bağlı metodoloji dəstək göstərmək;
• Biznes proseslərinin təkmilləşdirilməsi və səmərəliliyinin artırılması ilə bağlı təkliflər hazırlamaq.

İş şərtləri və əlavə üstünlüklər:

• İş yeri: Xudat şəhəri;
• Könüllü tibbi sığorta (3 ay sonra); 
• “Dəyərlisən” mobil tətbiqi – PAŞA Loyallıq platforması.

Vakansiya ilə bağlı “Proseslərin standartlaşdırılması üzrə aparıcı mütəxəssis” adını mövzu hissəsində qeyd etməklə CV-nizi Müraciət et düyməsində qeyd olunan elektron poçt ünvanına göndərə bilərsiniz.