Texnologiyaları Şöbəsinin Rəhbəri

Avant Group şirkətin informasiya texnologiyaları infrastrukturunun dayanıqlı və təhlükəsiz fəaliyyətini təmin edəcək, İT xidmətlərinin idarə olunmasına və texnoloji inkişaf təşəbbüslərinin icrasına rəhbərlik edəcək İnformasiya Texnologiyaları Şöbəsinin Rəhbərini axtarır.

Vəzifənin əsas məqsədi korporativ İT sistemlərinin fasiləsiz fəaliyyətini, informasiya təhlükəsizliyini, istifadəçilərə keyfiyyətli İT dəstəyini və İT həllərinin biznes ehtiyaclarına uyğun inkişafını təmin etməkdir.

Əsas vəzifə öhdəlikləri

• Şirkətin İT infrastrukturunu və gündəlik İT əməliyyatlarını idarə etmək, sistemlərin dayanıqlı və fasiləsiz fəaliyyətinə nəzarət etmək;
• Serverlər, şəbəkə infrastrukturu, Active Directory, Microsoft 365, File Server və digər korporativ sistemlərin fəaliyyətini təmin etmək;
• İstifadəçi müraciətlərinin qeydiyyatını, prioritetləşdirilməsini və müəyyən edilmiş müddətlərdə həllini təşkil etmək;
• İnformasiya təhlükəsizliyi siyasətlərinin, istifadəçi hesablarının və giriş hüquqlarının idarə olunmasını təmin etmək;
• Ehtiyat nüsxələmə, məlumatların bərpası və İT fasiləsiz fəaliyyət proseslərinə nəzarət etmək;
• İT risklərini qiymətləndirmək, informasiya təhlükəsizliyi insidentlərini və kritik sistem problemlərini vaxtında eskalasiya etmək;
• İT büdcəsini, avadanlıq və xidmətlər üzrə ehtiyacları, satınalmaları və texnoloji investisiyaları planlaşdırmaq;
• İT layihələrini, sistem yenilənmələrini və rəqəmsallaşma təşəbbüslərini idarə etmək;
• ERP və Rəqəmsal Transformasiya üzrə Baş Menecerlə koordinasiyada ERP sistemlərinin texniki infrastrukturu məsələlərini həll etmək;
• Xarici İT xidmət təminatçıları ilə işi koordinasiya etmək, xidmət keyfiyyətinə nəzarət etmək;
• İT komandasının işini planlaşdırmaq, tapşırıqları bölüşdürmək və icra nəticələrinə nəzarət etmək.

Namizədə tələblər

• İnformasiya texnologiyaları, kompüter mühəndisliyi və ya əlaqəli ixtisas üzrə ali təhsil;
• İT sahəsində minimum 4 il iş təcrübəsi; korporativ İT mühitində rəhbərlik və ya koordinasiya təcrübəsi üstünlükdür;
• Windows Server, Active Directory, Microsoft 365, şəbəkə avadanlıqları və ehtiyat nüsxələmə sistemləri üzrə praktiki biliklər;
• İnformasiya təhlükəsizliyi və İT xidmətlərinin idarə olunması prinsiplərini bilmək;
• İT infrastrukturu və texniki problemlərin diaqnostikası, analizi və həlli bacarığı;
• Komanda və layihə idarəetməsi, planlaşdırma və hesabatlılıq bacarıqları;
• Azərbaycan dilini mükəmməl bilmək; ingilis dilində texniki sənədləri oxumaq bacarığı;
• CompTIA, Microsoft, Cisco və ya ITIL sertifikatlarının olması üstünlükdür;
• Məxfiliyə riayət etmək və informasiya təhlükəsizliyi tələblərinə uyğun işləmək.

Biz nə təklif edirik?

• Şirkətin korporativ İT infrastrukturunun inkişafında rəhbər rol;
• İT layihələrində və texnoloji təkmilləşdirmə təşəbbüslərində iştirak imkanı;
• Peşəkar və dinamik iş mühiti;
• Rəqabətədavamlı əməkhaqqı və korporativ imkanlar.

Uyğun namizədlər CV-lərini mövzu hissəsində “İnformasiya Texnologiyaları Şöbəsinin Rəhbəri” qeyd etməklə Müraciət et düyməsində qeyd olunan elektron poçt ünvanına göndərə bilərlər.